2018芭堤雅四方水上市场新玩法 要去的记得看芭
经典泰菜任你食咁大一个水上市场,行下玩下就一定会肚饿啦!水上市场入面为大家提供泰式自助餐,十分之抵食,重点係冇限制你食几耐!如果带埋小朋友入去食仲有优惠添呀!所以一家大细坐低慢慢叹住嚟食都绝对冇问题! 自助餐入面嘅泰菜选择好多,云集唔同地区嘅美味特色菜‼比如有南部嘅印度咖哩,黄咖哩,香辣牛肉,北部嘅咖喱炸面同埋虾汤,东部嘅青木瓜沙律同蒸糯米......当然唔少得有烤鸡肉,辣咖哩猪肉、泰式金边粉等等,甜品方面又点少得芒果糯米饭呢!仲有着住泰国传统服饰嘅侍应为大家服务,而自助餐每日嘅供应时间就係由早上11点到夜晚8点,大家记得留意啦!2018芭堤雅四方水上市场新玩法 要去的记得看芭每日精彩SHOW睇不停芭堤雅呢个地方相信大家都唔陌生,唔知芭堤雅四方水上市场 (Pattaya Floating Market)大家又熟唔熟悉呢!呢个水上市场係建于一个人工湖上面,相比起其他水上市场,佢面积真係大好多,而且冇咁单一添! 当中有过百个档口,有唔同地方嘅产物卖,而且品种都比其他水上市场多好几倍!里面就分成4个部分,分别係中部、东北部、北部、南部,将全泰各地的特色集于一身!无论係民间特色手工艺品、时尚品牌定係泰国传统手工艺品,都可以喺呢到搵到!游客仲可以坐下小艇围绕市场一周,欣赏一下河道两旁嘅风景,体验一下风土人情! 为咗俾游客睇到水上市场嘅泰国文化多样性,喺唔同嘅区域入面都会有唔同嘅舞蹈、游戏同埋竞赛节目,由朝早10点开始,每一小时左右就会有新嘢睇,真係丰富又精彩㗎!例如有水上泰国长鼓舞、泰国现代乐器音乐表演,而泰拳我哋或者就睇得多,水上拳击又睇过未?水花四溅又紧张刺激嘅水上拳击表场分为三个时段,每个时段半个钟左右!2018芭堤雅四方水上市场新玩法 要去的记得看芭 玩尽「海陆空」!介绍咗芭堤雅四方水上市场有咩Show好睇,今日就介绍呢个水上市场有咩游乐活动啦! 首先就係非常特别嘅水陆两栖船!呢种称为Lam Choon嘅船係一款能够喺水上及陆路上行驶嘅船,由第二次世界大战期间通过Chaopraya River,由曼谷开到Ayudya运输货物,历史好悠久㗎喇! 今次喺水上市场就可以一试喇!水上市场有两个码头,带着游客喺水道同埋陆路穿梭,期间仲会停留喺泰国Folkway村~ 泰国Folkway村係一个展现真实泰国本地生活嘅一个展区,俾大家更加认识泰国文化,游客仲可以步行到绿色区域,入面仲有丝绸编织、丝线穿孔、古代玉米烹饪等等嘅示範! 除咗呢样,水上市场入面仲有滑索冒险添呀‼啱哂钟意兴奋又刺激活动嘅朋友玩喇! 滑索长度一共300米,差唔多4层楼嘅高度!喺水面上面滑行,只需要100铢就可以体验到啦,想玩嘅朋友记得喺正门买飞啦!2018芭堤雅四方水上市场新玩法 要去的记得看芭叹尽泰式按摩!泰式按摩一直都好受国际欢迎,所以嚟到咁大嘅水上市场,又点会冇泰式按摩俾大家叹下呢!水上市场嘅「泰国民俗村」有提供正宗泰式按摩嘅示範同埋服务!当中佢哋会用到由好多泰国草药提练以成嘅黄油做按摩,可以减低肌肉酸痛嘅问题,成效仲十分唔错㗎!有兴趣嘅游客都可以去试试呢个按摩,而且有咩关于泰式按摩嘅问题或者有咩位置想特别按摩一下,都可以随时向佢哋提出,按摩师都会好乐意解答你嘅问题! 其实芭堤雅四方水上市场仲有好多有趣活动同大量美食等大家去发掘㗎!嚟紧去芭堤雅又多一个地方选择啦~2018芭堤雅四方水上市场新玩法 要去的记得看芭
上一篇: 下一篇:
相关阅读